Ne tajtapunilis hasta Noa
5 |
1 INI ne amat pal ne tajtapunilis ipal Adam
tik ne tunal kiketzki Teut Adam
kenha ken Teut kichijki
2 ukich wan siwat kinketzki
kinteuchij wan kintukaytij Adam
tik ne tunal kwak yejemet muketzket
3 kwak kipiatuya Adam sentzunti-senpual-majtakti shiwit
kipishki se ken yaja, kenha
itachialis
wan kinutzki itukay Shet
4 wan ne shijshiwit ipal Adam kwak tamik kipia Shet
chikwey-tzunti shiwit
wan kipishki iujukichpilawan wan
isijsiwapilawan
5 wan muchi ne tujtunal ipal Adam kwak yultuk
chiknawi-tzunti shiwit wan senpual-majtakti
shiwit
wan mikik
6 kwak kipiatuya Shet makwil shiwit wan sentzunti shiwit
kipishki Enosh
7 wan nakak yultuk Shet kwak tamik kipia Enosh
chikume shiwit wan chikwey-tzunti
shiwit
wan kipishki iujukichpilawan wan
isijsiwapilawan
8 wan muchi ne tujtunal ipal Shet
majtakti-ume shiwit wan
chiknawi-tzunti shiwit
wan mikik
9 kwak kipiatuya Enosh nawpual-majtakti shiwit
kipishki Keynan
10 wan nakak yultuk Enosh kwak tamik kipia Keynan
kashtul shiwit wan chikwey-tzunti
shiwit
wan kipishki iujukichpilawan wan
isijsiwapilawan
11 wan muchi ne tujtunal ipal Enosh
makwil shiwit wan chiknawi-tzunti
shiwit
wan mikik
12 kwak kipiatuya Keynan yeshpual-majtakti shiwit
kipishki Mahalalel
13 wan nakak yultuk Keynan kwak tamik kipia Mahalalel
unpual shiwit wan chikwey-tzunti
shiwit
wan kipishki iujukichpilawan wan
isijsiwapilawan
14 wan muchi ne tujtunal ipal Keynan
majtakti shiwit wan chiknawi-tzunti
shiwit
wan mikik
15 kwak kipiatuya Mahalalel yeshpual-makwil shiwit
kipishki Yared
16 wan nakak yultuk Mahalalel kwak tamik kipia Yared
senpual-majtakti shiwit wan
chikwey-tzunti shiwit
wan kipishki iujukichpilawan wan
isijsiwapilawan
17 wan muchi ne tujtunal ipal Mahalalel
nawpual-kashtul shiwit wan
chikwey-tzunti shiwit
wan mikik
18 kwak kipiatuya Yared yeshpual-ume shiwit wan sentzunti shiwit
kipishki Hanok
19 wan nakak yultuk Yared kwak tamik kipia Hanok
chikwey-tzunti shiwit
wan kipishki iujukichpilawan wan
isijsiwapilawan
20 wan muchi ne tujtunal ipal Yared
yeshpual-ume shiwit wan
chiknawi-tzunti shiwit
wan mikik
21 kwak kipiatuya Hanok yeshpual-makwil shiwit
kipishki Metushala
22 wan nejnenki Hanok iwan ne Teut kwak tamik kipia Metushala
yey-tzunti shiwit
wan kipishki iujukichpilawan wan
isijsiwapilawan
23 wan muchi ne tujtunal ipal Hanok
yeshpual-makwil shiwit wan yey-tzunti
shiwit
24 nejnenki Hanok iwan ne Teut
wan tea kanaj
ika kikwij Teut
25 kwak kipiatuya Metushala nawpual-chikume shiwit wan sentzunti shiwit
kipishki Lamek
26 wan nakak yultuk Metushala kwak tamik kipia Lamek
nawpual-ume shiwit wan chikume-tzunti
shiwit
wan kipishki iujukichpilawan wan
isijsiwapilawan
27 wan muchi ne tujtunal ipal Metushala
yeshpual-chiknawi shiwit wan
chiknawi-tzunti shiwit
wan mikik
28 kwak kipiatuya Lamek nawpual-ume shiwit wan sentzunti shiwit
kipishki se piltzin
29 wan kitukaytij Noa, ka inak:
yajini yu-techyulpaktia itech tutekiw
wan itech ne yulkukulis pal ne
tujtumey
ipanpa ne tal ne kichijki maldictar
Tutajwan
30 wan nakak yultuk Lamek kwak tamik kipia Noa
nawpual-kashtul shiwit wan
makwil-tzunti shiwit
wan kipishki iujukichpilawan wan
isijsiwapilawan
31 wan muchi ne tujtunal ipal Lamek
yeshpual-kashtul-ume shiwit wan
chikume-tzunti shiwit
wan mikik
32 wan kwak Noa se takat ipal makwil-tzunti shiwit
kipishki Shem, Jam wan Yapet
6 |
1 panuk ka pejtuyat ne takamet
muchayawat ijpak ne tal
wan nesit insijsiwapilawan
2 kinwelitaket inpilawan teujteutket
ne insiwapilawan takamet
wan munamiktijket
iwan muchi ká kishpejpenket
3 inak Tutajwan: inte muajsis
nuijiu ijtik takamet pal senpa
ika yejemet nusan innakayu
ma yujyultuk chikwasen pual shiwit
4 takamet majwey nusan nemituyat
tik ne taltikpak kwakuni wan nusan
tipan
ka senkuchket inpilawan teujteutket
inwan insiwapilawan takamet
wan kinpunijket inpilawan
yejemet ne wejweymet pal ikman
takamet tujtukaytijtuk
5 kitak Tutajwan ka wey ne teyek
ipal takamet pak ne taltikpak
muchi tay yaja yujyultaketza
sema teyek muchi ne tunal
6 kikukuj iyulu Tutajwan ka kichijki
takamet pak ne taltikpak
wan mutechtijtuk tik iyulu
7 inak Tutajwan: niu-nikinwilewa
ne takamet nikinketzki nujme ne tal
ne takamet wan ne takwalmet
ulininimet wan pataninimet
ika nechkukua nuyulu ika nikinchijtuk
8 sema Noa muajsi yek
tik itachialis Tutajwan
No comments:
Post a Comment