Notes | v1 | v2 | Prev | Next
Ne tajtapunilis hasta Noa
5 |
1 INI ne amat pal ne tajtapunilis ipal Adam:
Kwak ne Teut kiketzki ne takat, kenha
ken Teut kichijki. 2 Ukich wan siwat kinketzki, kinteuchij wan kintukaytij Adam kwak
muchijket. [1]
3 Kwak kipiatuya Adam sentzunti-senpual-majtakti shiwit
kipishki se ken yaja
se muita kenha
kinutzki itukay Shet
4 ne shijshiwit ipal Adam kwak tamik kipia Shet
chikwey-tzunti shiwit
wan kipishki iujukichpilawan wan
isijsiwapilawan
5 wan muchi ne tujtunal ipal Adam
chiknawi-tzunti shiwit wan senpual-majtakti
shiwit
kwak mikik
6 wan kwak kipiatuya Shet makwil shiwit wan sentzunti shiwit
kipishki Enosh
7 wan nakak yultuk Shet kwak tamik kipia Enosh
chikume shiwit wan chikwey-tzunti
shiwit
wan kipishki iujukichpilawan wan
isijsiwapilawan
8 wan muchi ne tujtunal ipal Shet
majtakti-ume shiwit wan chiknawi-tzunti
shiwit
kwak mikik
9 wan kwak kipiatuya Enosh nawpual-majtakti shiwit
kipishki Kenan
10 wan nakak yultuk Enosh kwak tamik kipia Kenan
kashtul shiwit wan chikwey-tzunti
shiwit
wan kipishki iujukichpilawan wan
isijsiwapilawan
11 wan muchi ne tujtunal ipal Enosh
makwil shiwit wan chiknawi-tzunti
shiwit
kwak mikik
12 wan kwak kipiatuya Kenan yeshpual-majtakti shiwit
kipishki Mahalalel
13 wan nakak yultuk Kenan kwak tamik kipia Mahalalel
unpual shiwit wan chikwey-tzunti shiwit
wan kipishki iujukichpilawan wan
isijsiwapilawan
14 wan muchi ne tujtunal ipal Kenan
majtakti shiwit wan chiknawi-tzunti
shiwit
kwak mikik
15 wan kwak kipiatuya Mahalalel yeshpual-makwil shiwit
kipishki Yared
16 wan nakak yultuk Mahalalel kwak tamik kipia Yared
senpual-majtakti shiwit wan chikwey-tzunti
shiwit
wan kipishki iujukichpilawan wan
isijsiwapilawan
17 wan muchi ne tujtunal ipal Mahalalel
nawpual-kashtul shiwit wan chikwey-tzunti
shiwit
kwak mikik
18 wan kwak kipiatuya Yared yeshpual-ume shiwit wan sentzunti shiwit
kipishki Hanok
19 wan nakak yultuk Yared kwak tamik kipia Hanok
chikwey-tzunti shiwit
wan kipishki iujukichpilawan wan
isijsiwapilawan
20 wan muchi ne tujtunal ipal Yared
yeshpual-ume shiwit wan chiknawi-tzunti
shiwit
kwak mikik
21 wan kwak kipiatuya Hanok yeshpual-makwil shiwit
kipishki Metushala
22 wan nejnenki Hanok iwan ne Teut kwak tamik kipia Metushala
yey-tzunti shiwit
wan kipishki iujukichpilawan wan
isijsiwapilawan
23 wan muchi ne tujtunal ipal Hanok
yeshpual-makwil shiwit wan yey-tzunti
shiwit
24 Hanok nejnenki iwan ne Teut
wan te kanaj
ika Teut kikwij [2]
25 wan kwak kipiatuya Metushala nawpual-chikume shiwit wan sentzunti
shiwit
kipishki Lamek
26 wan nakak yultuk Metushala kwak tamik kipia Lamek
nawpual-ume shiwit wan chikume-tzunti
shiwit
wan kipishki iujukichpilawan wan
isijsiwapilawan
27 wan muchi ne tujtunal ipal Metushala
yeshpual-chiknawi shiwit wan chiknawi-tzunti
shiwit
kwak mikik
28 wan kwak kipiatuya Lamek nawpual-ume shiwit wan sentzunti shiwit
kipishki se piltzin
29 wan kitukaytij Noa
ka inak:
yajini yu-techyulpaktia itech tutekiw
wan itech ne kujkutilis pal ne
tujtumey
ipanpa ne tal ne kichijki maldictar
Tutajwan
30 wan nakak yultuk Lamek kwak tamik kipia Noa
nawpual-kashtul shiwit wan makwil-tzunti
shiwit
wan kipishki iujukichpilawan wan
isijsiwapilawan
31 wan muchi ne tujtunal ipal Lamek
yeshpual-kashtul-ume shiwit wan
chikume-tzunti shiwit
kwak mikik
32 wan kwak Noa kipiatuya makwil-tzunti shiwit
kipishki Shem, Jam wan Yapet
[1]Ka nikan ina ka ne ujume, ne takat wan ne siwat, intukay Adam.
[2]Ne tamatinimet inte kimatit tay kineki ina ini.
6 |
1 panuk ka pejtuyat ne takamet
muchayawat ijpak ne tal
wan nesit insijsiwapilawan
2 kinwelitaket inpilawan teujteutket
ne insiwapilawan takamet
wan munamiktijket
iwan muchi ká kishpejpenket
3 inak Tutajwan: inte muajsis
nuijiu ijtik takamet pal senpa
ika yejemet nusan innakayu
ma yujyultuk chikwasen pual shiwit
4 takamet majwey nusan nemituyat
tik ne taltikpak kwakuni wan nusan
tipan
ka senkuchket inpilawan teujteutket
inwan insiwapilawan takamet
wan kinpunijket inpilawan
yejemet ne wejweymet pal ikman
takamet tujtukaytijtuk
5 kitak Tutajwan ka wey ne teyek
ipal takamet pak ne taltikpak
muchi tay yaja yujyultaketza
sema teyek muchi ne tunal
6 kikukuj iyulu Tutajwan ka kichijki
takamet pak ne taltikpak
wan mutechtijtuk tik iyulu
7 inak Tutajwan: niu-nikinwilewa
ne takamet nikinketzki nujme ne tal
ne takamet wan ne takwalmet
ulininimet wan pataninimet
ika nechkukua nuyulu ika nikinchijtuk
8 sema Noa muajsi yek
tik itachialis Tutajwan
Yek.
ReplyDelete