Ken ijtuk iwan Noa wan ne ipilawan kwak tamik ne tepeat
18 NE ipilawan Noa ne kisket tik ne takukal
intukay Shem, Jam wan Yapet
ne Jam yaja n' iteku Kanaan
19 ini yey ne ipilawan Noa
wan intech kisket ne musentalujket
nujme ne taltikpak
20 Noa pejki tekiti pak ne tal
wan kitukak se shukumekamil
21 kiunik atata wan tawanki
wan mupetztij ijtik ne tawipanti
22 kitak Jam n' iteku Kanaan
n' ipetztikayu n' iteku
wan kinneshtilij ne ume iikawan
tatenpan
23 kikwij Shem iwan Yapet n' ikwenyu
kitalijket ijpak inkechtan n'
inhumeshtin
tzinkisket ka iteputz
wan kitzakket n' ipetztikayu n'
inteku
tachiat ka iteputz
ken n' ipetztikayu n' inteku inte
kitaket
24 kwak tea tawana Noa wan isak
wan kimatki tay kichiwilijtuya
n' ipiltzin chikitik 25 inak:
tetekia iwan Kanaan
yawi muchiwa itekitini tekitinimet
ipal n' imanujwan
26 inak: yektenejtuk Tutajwan
ne Teut ipal Shem
man Kanaan yawi itekitini
27 ne Teut yawi kiweychiwa Yapet
muchantis tik ne tajtawipanti pal
Shem
wan Kanaan yawi itekitini
28 Noa nakak yultuk kwak tamik ne tepeat
yey-tzunti shiwit wan unpual-majtakti
shiwit
29 wan muchi ne tujtunal ipal Noa
chiknawi-tzunti shiwit wan
unpual-majtakti shiwit
wan mikik
Alan, nemia se taketzalis ipal "n' ipiltzin chikitik" wan yaja 'n' ichinpe'. Anka te ina su ukich u siwat, man su tiamataketzat tikmatit ka tajtaketza ipanpa Jam.
ReplyDeleteWan kwak titajkwilua "ipetzikayu", naja niamataketztuk ne iamaw ne tajtzin Campbell wan yaja ina se te kenha. Yaja te kikwi ne '-kayu' sute ne '-ka'. Tiweli tikita tik ne takutun 3.1.3.5. ipal ne iamaw.