[Read English translation]
Ne tepekal ipal Babel
11 |
1 IKMAN nujme ne taltikpak
sanse taketzalis kipiatuyat
muchi kenha taketzket
2 ne pashaluat ka taneskan
kiajsiket se ishtawak tik Shinar
wan tukniwan unkan mukawket
3 muilwijket: talkwikan sukit
tiktatikan sujsul ken tet
ne ladrilloj iwan pulul kisalujket
4 inaket: tiketzakan se techan
wan se tepekal kipia itzun tik n'
ilwikak
ma techishmatikan nujme ne taltikpak!
5 temuk Tutajwan kita
ne techan wan ne tepekal
n' ipilawan Adam kiketzket
6 inak Tutajwan: yejemet
se chinamit sanse itaketzalis
shikita muchi ken pejket!
wan an te mukawasket
muchi tay kielewiat
yejemetsan kichiwasket
7 tiu-titemut tikmajmaliat
n' intaketzalis ka unkan
pal te kimati se tay ina iiknew
8 wan Tutajwan kinsentaluj
nujme ne taltikpak
wan ne techan tea kiketzket
9 yajika munutzki Babel
ka unkan Tutajwan kimajmalij
intaketzalis wan musentalujket
No comments:
Post a Comment