9: Ne ipilawan Shem (11:10-32)

Ne ipilawan Shem

10 INI ken ijtuk iwan Shem

Shem kipiatuya sentzunti shiwit wan kipishki Arpakshad

kwak panutiwit ume shiwit ka tamik ne tepeat

11 nakak yultuk Shem kwak tamik kipia Arpakshad

makwil tzunti shiwit

wan kipishki iujukichpilawan wan isijsiwapilawan

12 nemik yultuk Arpakshad senpual-kashtul shiwit

wan kipishki Shala

13 wan nakak yultuk Arpakshad kwak tamik kipia Shala

nawtzunti wan yey shiwit

wan kipishki iujukichpilawan wan isijsiwapilawan

14 nemik yultuk Shala senpual-majtakti shiwit

wan kipishki Eber

15 wan nakak yultuk Shala kwak tamik kipia Eber

nawtzunti-yey shiwit

wan kipishki iujukichpilawan wan isijsiwapilawan

16 nemik yultuk Eber senpual-majtakti-nawi shiwit

wan kipishki Paleg

17 wan nakak yultuk Eber kwak tamik kipia Paleg

nawtzunti-senpual-majtakti shiwit

wan kipishki iujukichpilawan wan isijsiwapilawan

18 nemik yultuk Paleg senpual-majtakti shiwit

wan kipishki Ru

19 wan nakak yultuk Paleg kwak tamik kipia Ru

ume-tzunti-chiknawi shiwit

wan kipishki iujukichpilawan wan isijsiwapilawan

20 nemik yultuk Ru senpual-majtakti-ume shiwit

wan kipishki Serug

21 wan nakak yultuk Ru kwak tamik kipia Serug

ume-tzunti-chikume shiwit

wan kipishki iujukichpilawan wan isijsiwapilawan

22 nemik yultuk Serug senpual-majtakti shiwit

wan kipishki Najor

23 wan nakak yultuk Serug kwak tamik kipia Najor

ume-tzunti shiwit

wan kipishki iujukichpilawan wan isijsiwapilawan

24 nemik yultuk Najor senpual-chiknawi shiwit

wan kipishki Tara

25 wan nakak yultuk Najor kwak tamik kipia Tara

sentzunti-kashtul-nawi shiwit

wan kipishki iujukichpilawan wan isijsiwapilawan

26 nemik yultuk Tara yeshpual-majtakti shiwit

wan kinpishki Abram Najor wan Haran

27 Ini ken ijtuk iwan Tara

Tara kinpishki Abram Najor wan Haran

wan Haran kipishki Lot

28 mikik Haran iishpan Tara iteku

tik ne tal kan nesik tik Ur-Kasdim

29 munamiktijket Abram wan Najor

n' isiwaw Abram itukay Saray

wan n' isiwaw Najor itukay Milka

n' isiwakunew Haran

iteku Milka wan iteku Iska

30 Saray te kipiatuya ipilawan

31 Tara kikwij Abram n' ipiltzin

wan Lot n' ipiltzin Haran n' ishwiu

wan Saray n' isiwamun n' isiwaw Abram n' ipiltzin

wan kisket inwan tik Ur-Kasdim

yawit ne tal pal Kanaan

wan ajsiket ka Jaran

wan nakaket ka unkan

32 nemik yultuk Tara ume-tzunti-makwil shiwit

wan mikik Tara tik Jaran