Ne amat pal ne tejtechan
10 |
1 INI ken ijtuk iwan n' ipilawan Noa
Shem Jam wan Yapet
yejemet kipishket inpilawan
kwak tamik ne tepeat
2 ini n' ipilawan Yapet
Gomer wan Magog
Maday Yawan wan Tubal
Meshek wan Tiras
3 ini n' ipilawan Gomer
Ashkenaz Ripat wan Togarma
4 ini n' ipilawan Yawan
Elisha wan Tarshish
ne takamet ipal Kit
wan ipal Rodas
5 ijtik yejemet kupejket
n' ijislaj ipal ne tejtechan
sejse tik itajtal
sejse iwan itaketzalis
wan ifajfamiliaj
sejse itechan
6 ini n' ipilawan Jam
Kush wan Mitzraim
Put wan Kanaan
7 ini n' ipilawan Kush
Seba wan Jawila
Sabta Raama wan Sabteka
wan n' ipilawan Raama
Sheba wan Dedan
8 Kush kipishki Nimrod
yaja pejki muchiwa se wey tik ne
taltikpak
9 yaja katka wey tapewani iishpan Tutajwan
neka inat: ken Nimrod
wey tapewani iishpan Tutajwan
10 pejki n' itatekimakalis
iwan Babel
Erek Akad wan Kalne
tik ne tal pal Shinar
11 tik uni tal kiski Ashur
wan kinketzki Niniwa
wan Rejobot-Ir wan Kala
12 wan Resen itzalan Niniwa wan Kala
ne techan wey
13 Mitzraim kipishki ne takamet
pal Lud wan pal Anam
wan pal Lehab wan pal Naptu
14 wan pal Patrus wan pal Kaslu
wan ne intech kisket ne Paleshtekat
takamet ipal Kaptor
15 wan Kanaan kipishki Tzidon ne iachtu
16 wan Jet wan ne Yebustekat
ne Emortekat wan ne Girgashtekat
17 ne Jiwtekat ne Erektekat wan ne Sintekat
18 ne Arvadtekat ne Tzemartekat wan ne Jamattekat
ikuka musentalujket ne infajfamiliaj
ne Kanaantekat
19 pewat katka ne itajtal ne Kanaantekat tik Tzidon
wan ajsit hasta Gerar itech Gaza
wan hasta Sodom wan Gomora
wan Adma wan Tzeboim itech Lasha
20 yejemet n' ipilawan Jam
wan infajfamiliaj
sejse wan itaketzalis
sejse tik itajtal
sejse itechan
21 nusan kipishki ipilawan Shem
n' iteku muchi ne Ebertekat
n' iikaw Yapet ne wey
22 ini n' ipilawan Shem
Elam wan Ashur
wan Arpakshad
wan Lud wan Aram
23 ini n' ipilawan Aram
Utz wan Jul
Geter wan Mash
24 Arpakshad kipishki Shela
Shela kipishki Eber
25 wan Eber kipishki ume piltzin
ne se itukay Paleg
ka tik itujtunal mukupej ne tal
wan n' iikaw itukay Yoktan
26 Yoktan kipishki Almodad wan Shalep
Jatzarmawet Yara
27 Hadoram Uzal Dikla
28 Obal Abimael Sheba
29 Opir Jawila wan Yobab
muchi ini ipilawan Yoktan
30 pewa n'inmuchantilis tik Mesha
wan ajsi hasta Separtepet ka taneskan
31 yejemet n'ipilawan Shem
sejse ifamiliaj
sejse iwan itaketzalis
sejse tik itajtal
sejse itechan
32 uni ne fajfamiliaj ipal n' ipilawan Noa
wan ne tajtapunilis wan ne tejtechan
ken pejket mukupewat ne tejtechan
tik ne taltikpak kwak tamik ne tepeat
No comments:
Post a Comment